Drop Down MenusCSS Drop Down MenuPure CSS Dropdown Menu

Tuesday, March 17, 2020

ပၢင်ႁူမ်ႈၵၼ်လွတ်ႈႁေႃးထမ်းပရိတ်တပႃႇလိ ၸဝ်ႈ "ရတၼသုတ်ႈ"

သင်ၶတႆးလုၵ်ႈႁဵၼ်းၸၼ်ႉၸွမ်မိူင်းၵွၵ်ႇ၊ ၸိုင်ႈထႆး ၸတ်းႁဵတ်းပၢင်ႁူမ်ႈၵၼ်လွတ်ႈႁေႃးထမ်းပရိတ်တပႃႇလိ ၸဝ်ႈ "ရတၼသုတ်ႈ" တႃႇလွတ်ႈရေႃးၵႃႇတၢင်းပဵၼ် ႁႂ်ႈလႆႈၵတ်းယဵၼ်

မိူဝ်ႈၼႆႉ ဝၼ်းထိ 17/03/2020 သင်ၶတႆးလုၵ်ႈႁဵၼ်းၸၼ်ႉၸွမ်မိူင်းၵွၵ်ႇ၊ ၸိုင်ႈထႆး ၸတ်းႁဵတ်းပၢင်ႁူမ်ႈၵၼ်လွတ်ႈႁေႃးထမ်းပရိတ်တပႃႇလိၸဝ်ႈ ရတၼသုတ်ႈ တႃႇႁႂ်ႈပေႃးလွတ်ႈပူၼ်ႉမႅင်းတၢင်းပဵၼ်ဝၢႆးရတ်ႉသ် ၶူဝ်ႇရူဝ်ႇၼႃႉ ၸိူဝ်ႉၽၼ်းမႂ်ႇ 2019 ဢမ်ႇၼၼ်(Covid-19) ဢၼ်ၸၢင်ႈၽႄႈတိူၼ်းငၢႆႈၼၼ်ႉ ဢွင်ႈတီႈႁူင်းလိုဝ်ႈသဝ်းလုၵ်ႈႁဵၼ်းသင်ၶၸဝ်ႈ ၸၼ်ႉတႂ်ႈ တိူၵ်ႈ A၊ ၸၼ်ႉၸွမ်မႁႃႇၸူးလႃးလူင်းၵွၼ်း၊ ဝၢင်းၼွႆႉ၊ ဢယုတ်ႉထယႃး၊ မိူင်းထႆး ၵႂႃႇယူႇယဝ်ႉ။



ၼႂ်းပၢင်လွတ်ႈႁေႃးထမ်းပရိတ်တပႃႇလိၸဝ်ႈ ရတၼသုတ်ႈ လွတ်ႈၵၢင်းတၢင်းပဵၼ် ႁႂ်ႈၵတ်းယဵၼ်ၼႆႉ ၸဝ်ႈၶူးပၼ်ႇတိတ ပိုၼ်းၼုမ်ႇ ႁူဝ်ပဝ်ႈ သင်ၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ၊ ၸိုင်ႈထႆး ၸုပ်ႈ (16) ဢွၼ်ႁူဝ် သင်ၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ၊ ၸိုင်ထႆး လၢႆတူၼ်လၢႆပႃးသေလႄႈ လွတ်ႈႁေႃးၵႂႃႇယဝ်ႉ။

လွင်ႈတၢင်းဢၼ်လႆႈလွတ်ႈႁေႃးထမ်းပရိတ်တပႃႇလိၸဝ်ႈရတၼသုတ်ႈၼႆႉ ဢိင်ၼိူဝ်တၢင်းပဵၼ်ရေႃးၵႃႇ ဝၢႆးရတ်ႉသ် ၶူဝ်ႇလူဝ်ႇၼႃႉ ၸိူဝ်ႉၽၼ်းမႂ်ႇ-2019၊ ဢမ်ႇၼၼ်ႉ (Covid-19) ဢၼ်တႄႇပဵၼ်မႃးတီႈဝဵင်းဝူႇႁၼ်ႉ၊ ၸိုင်ႈမိူင်းၶႄႇၼၼ်ႉ လႆႈၽႄႈတိူၼ်းၵႂႃႇၼႂ်းလုမ်ႈၾႃႉၼႆႉ လၢႆလၢႆၸိုင်ႈမိူင်းယဝ်ႉလႄႈ၊ ထႅင်ႈၽၢႆႇၼိုင်ႈၵေႃႈ ၸုမ်းပၢႆးယူႇလီလုမ်ႈၾႃႉ (WHO) ၵေႃႈလႆႈပိုၼ်ၽၢဝ်ႇဝႃႈ ပဵၼ်တၢင်းပဵၼ်ရေႃးၵႃႇဢၼ်ၸပ်းၵၼ်ငၢႆႈၼႆလႄႈ ၼင်ႇႁိုဝ်တၢင်းပဵၼ်ပေႃးတေႁၢႆ ဢမ်ႇမႃးၵၢႆလႆႈသေဢမ်ႇၵႃး ႁႂ်ႈပေႃးလႆႈၵတ်းယဵၼ်တၢင်းလုမ်ႈၾႃႉၼၼ်ႉ ၸင်ႇလႆႈႁူမ်ႈၵၼ်လွတ်ႈႁေႃးပရိတ်တ ၶေႃႈယမ်ၵႂၢမ်းထမ်း ပုတ်ႉထၸဝ်ႈဢၼ်ပဵၼ်ရတၼသုတ်ႈၼၼ်ႉယူႇယဝ်ႉ။


ယွၼ်းသူးပၼ် ၵူၼ်းၵူႈၵေႃႉဢၼ်မီးၼႂ်းလုမ်ႈၾႃႉၼႆႉ ႁႂ်ႈလႆႈလွတ်ႈၵၢင်းတၢင်းပဵၼ် ပူၼ်ႉၽေးၶဵၼ် ဢၼ်ႁၢင်ႉႁၢႆႉလူင်ၼႆႉသေၵမ်း။

No comments:

Post a Comment