ပၢင်ပွႆးလူႇတၢၼ်းလွင်းသွမ်းသၢၼ် လုၵ်ႈႁဵၼ်းသင်ၶၸဝ်ႈ 190 တူၼ် ပွၵ်ႈၵမ်း (4)
မိူဝ်ႈဝၼ်းထီႉ 23/2/2020 သင်ၶတႆး လုၵ်ႈႁဵၼ်းၸၼ်ႉၸွမ် မိူင်းၵွၵ်ႇ၊ ၸိုင်ႈထႆး လႄႈ တၵႃႇသတ်ႉထႃး ပီႈၼွင်ႉတႆး ၼႂ်းမိူင်းၵွၵ်ႇ ၸိုင်ႈထႆး လႆႈဢွၼ်ၵၼ်ၸတ်းႁဵတ်း ''ပၢင်ပွႆးလူႇတၢၼ်းလွင်းသွမ်းသၢၼ် လုၵ်ႈႁဵၼ်းသင်ၶၸဝ်ႈ 190 တူၼ် ပွၵ်ႈၵမ်း (4)''။
ပၢင်ပွႆးလွင်းသွမ်းသၢၼ်ၼႆႉ လႆႈတႄႇႁဵတ်းမႃးမိူဝ်ႈပီ 2017 တေႃႇမိူဝ်ႈလဵဝ် ၼိုင်ႈပီလႂ်ၼိုင်ႈပွၵ်ႈ။ ထိုင်မႃးပီၼႆႉၵေႃႈ လႆႈၸတ်းႁဵတ်းပဵၼ် ပၢင်ပွႆးလွင်းသွမ်းသၢၼ် ပဵၼ်ပီပွၵ်ႈၵမ်း (4)၊ ဢွင်ႈတီႈ ဝတ်ႉမႂ်ႇတႆး သႃထုပရႃႇတိတ်ႇ ၵိဝ်ႇ 44/1 ယၼ်းၼႃးဝႃး မိူင်းၵွၵ်ႇ၊ ၸိုင်ႈထႆး မိူဝ်ႈၶၢဝ်းယၢမ်း 09:15 မူင်း တေႃႇထိုင်10:45 မူင်းၼၼ်ႉယူႇယဝ်ႉ။
 |
| ၶႅပ်းႁၢင်ႈ- Facebook: Numphang Khunhing |
ၼႂ်းပၢင်ပွႆးလူႇတၢၼ်းလွင်းသွမ်းသၢၼ် လုၵ်ႈႁဵၼ်းသင်ၶၸဝ်ႈ 190 တူၼ်ၼႆႉ မီးတၵႃႇသတ်ႉထႃး ပီႈၼွင်ႉတႆး ၼႂ်းမိူင်းၵွၵ်ႇ၊ ၸိုင်ႈထႆး ၶဝ်ႈႁူမ်ႈလူႇတၢၼ်း 500 ၵေႃႉလိူဝ်လိူဝ်ယူႇယဝ်ႉ။ လႄႈ ၼႂ်းပၢင်ပွႆးၼႆႉၵေႃႈ မီးတၵႃႇၸဝ်ႈတႃႇၼတင်းၼမ် လႆႈမႃးႁပ်ႉပဵၼ်ၸဝ်ႈတႃႇၼ သွမ်းၼႂ်သွမ်းဝၼ်း သင်ၶၸဝ်ႈ လႄႈ ၸႃႇၵလဵင်ႉလူ ပီႈၼွင်ႉမႃးႁူမ်ႈလူႇႁူမ်ႈတၢၼ်းတၢင်းသဵင်ႈယူႇယဝ်ႉ။
ထိုင်မႃးဝၢႆးဝၼ်း ၶၢဝ်းယၢမ်း 12:40 ၼၼ်ႉ သြႃႇလႄႈတၵႃႇ လႆႈၽွမ်ႉႁူမ်ႈၵၼ် ထွမ်ႇတြႃးလူႇတၢၼ်းယၢတ်ႈၼမ်ႉ ၸႅၵ်ႇဝၢၵ်ႈၵုသူဝ်ႇပၼ် ၽီသၢင်ၵူၼ်းသတ်းတင်းသဵင်ႈသေ ပၢင်ပွႆးၵေႃႈပဵၼ်ဢၼ်ယဝ်ႉတူဝ်ႈၵႂႃႇလီငၢမ်းယူႇတီႈၶႃႈယဝ်ႉ။
No comments:
Post a Comment