လုၵ်ႈႁဵၼ်းသင်ႇၶတႆး မိူင်းၵွၵ်ႇ ၶဝ်ႈၶေႉၶဵင်ႇ ပၢင်ႁိမ်ၼမ်ႉၵႂၢမ်းလႄႈ ပၢင်မွၵ်ႇလၢတ်ႈၶေႃႈၵႂၢမ်း ၽၢႆႇဢင်းၵိတ်ႉ သင်ႇၶတႆး (01.30.217)

ဝၼ်းထိ 27-28.02.2017 ႁွင်ႈၵၢၼ်ၽၢႆႇၽႃႇသႃႇ ဢင်းၵိတ်ႉ ၽၢႆႇပၢႆးၾိင်ႈၵူၼ်း ( Department of Foreign Language faculty of Humanity) ၸၼ်ႉၸွမ်မႁႃႇၸုလႃး လူင်းၵွၼ်း ၸတ်းႁဵတ်းပၢင်ႁိမ်ၼမ်ႉၵႂၢမ်းလႄႈ

ပၢင်မွၵ်ႇလၢတ်ႈၶေႃႈၵႂၢမ်း ၽၢႆႇဢင်းၵိတ်ႉ။ ပၢင်ႁိမ်ၼမ်ႉၵႂၢမ်း ၸတ်းႁဵတ်းတီႈၼႂ်းႁွင်ႈပၢင်ၵုမ်လူင် ႁွင်ႈ B။ ပၢင်မွၵ်ႇလၢတ်ႈၶေႃႈၵႂၢမ်းသမ်ႉ ၸတ်းႁဵတ်းတီႈၼႂ်းႁွင်ႈပၢင်ၵုမ်လူင် ႁွင်ႈC တီႈၸၼ်ႉၸွမ်မႁႃႇၸုလႃးလူင်းၵွၼ်း၊ ဝၢင်းၼွႆႉ၊ ဢယုတ်ႉထယ၊ မိူင်းၵွၵ်ႇ၊ ၸိုင်ႈထႆးသေ မီးလုၵ်ႈႁဵၼ်းသၢမ်ၸၼ်ႉၸွမ် ၶဝ်ႈႁူမ်ႈၶေႉၶဵင်ႇ။ 

ပၢင်ႁိမ်ၼမ်ႉၵႂၢမ်းလႄႈ ပၢင်မွၵ်ႇလၢတ်ႈၶေႃႈၵႂၢမ်းၼႆႉ လႆႈၸတ်းႁဵတ်းၵႂႃႇၶၢဝ်းတၢင်းသွင်ဝၼ်း ၼႂ်းဝၼ်းထိ 27-28.02.2017။ ၼႂ်းဝၼ်းထိ 27.02.2017 မီးပၢင်ၶေႉၶဵင်ႇ ၼမ်ႉၵတ်ႉမွၵ်ႇ လၢတ်ႈၶေႃႈၵႂၢမ်း ၸွမ်းၼင်ႇႁူဝ်ၶေႃႈ MCU in 21^th  century (ၸၼ်ႉၸွမ်မႁႃႇၸုလႃး ၼႂ်း ႁူဝ်ပၢၵ်ႇသၢဝ်းဢဵတ်းပီမိူင်း) ၼႆသေ မီးၽူႈတၢင်တူဝ်လုၵ်ႈႁဵၼ်း ၽၢႆႇပၢႆးၾိင်ႈၵူၼ်း ၸၼ်ႉၸွမ်မႁႃႇၸုလႃးလူင်းၵွၼ်း ပီၼိုင်ႈ ထိုင်ပီသီႇၶဝ်ႈၶေႉၶဵင်ႇ၊ ၽူႈတၢင်တူဝ်ၼိုင်ႈပီလႂ် ႁႃႈၸဝ်ႈ၊ ႁူမ်ႈတင်းမူတ်းသၢဝ်းၸဝ်ႈ၊ ၼႂ်းၼႆႉ မီးလုၵ်ႈႁဵၼ်းသင်ႇၶတႆး ၶဝ်ႈႁူမ်ႈၶေႉၶဵင်ႇ ပႅတ်ႇၸဝ်ႈ။ ၼႂ်းပၢင်ၶေႉၶဵင်ႇႁိမ်ၼမ်ႉၵႂၢမ်းၵၼ်ၼႆႉ ၽူႈတၢင်တူဝ်လုၵ်ႈႁဵၼ်းပီသွင် လႆႈပေႉၵႂႃႇထိၼိုင်ႈသေ ၼႂ်းၽူႈတၢင်တူဝ်ပီသွင် ႁႃႈၸဝ်ႈၼၼ်ႉ မီးပႃးလုၵ်ႈႁဵၼ်းသင်ႇၶတႆး သၢမ်ၸဝ်ႈ ဝႃႈၼႆ။

ၼႂ်းဝၼ်းထိ 28.02.2017 မီးပၢင်ႁိမ်ၼမ်ႉၵႂၢမ်းလႄႈ ပၢင်မွၵ်ႇလၢတ်ႈၶေႃႈၵႂၢမ်း သွင်ပိူင်။ မီးလုၵ်ႈႁဵၼ်းသၢမ်ၸၼ်ႉၸွမ် မိူၼ်ၼင်ႇ ၸၼ်ႉၸွမ် Rajamangala Technology University ၸၼ်ႉၸွမ် Bangkok University ႄလႈ လုၵ်ႈႁဵၼ်းၸၼ်ႉၸွမ် မႁႃႇၸုလႃးၶဝ်ႈႁူမ်ႈၶေႉၶဵင်ႇ။ ၼႂ်းပၢင်ႁိမ်ၼမ်ႉၵႂၢမ်းၵၼ်ၼၼ်ႉ မီးပႅတ်ႇၸုမ်း၊ ၼိုင်ႈၸုမ်းလႂ် ႓ ၵေႃႉ၊ ႁူမ်ႈတင်းမူတ်း မီးၽူႈၶဝ်ႈၶေႉၶဵင်ႇ သၢဝ်းသီႇၵေႃႉ၊ ၼႂ်းသၢဝ်းသီႇၵေႃႉၼႆႉ မီးလုၵ်ႈႁဵၼ်းသင်ႇၶတႆး ၶဝ်ႈၶေႉၶဵင်ႇ ႑႐ ၸဝ်ႈ၊ၵေႃႉ။ ၼႂ်းပၢင်ၶေႉၶဵင်ႇၼမ်ႉၵတ်ႉ မွၵ်ႇလၢတ်ႈၶေႃႈၵႂၢမ်းၼၼ်ႉသမ်ႉ မီးလုၵ်ႈႁဵၼ်းသင်ႇၶတႆး ၶဝ်ႈၶေႉၶဵင်ႇသၢမ်ၸဝ်ႈ ဝႃႈၼႆ။  

ပၢင်ႁိမ်ၼမ်ႉၵႂၢမ်းၵၼ်ၼၼ်ႉ လႆႈၶေႉၶဵင်ႇၶိုၼ်ႈၵႂႃႇ ပဵၼ်သၢမ်သင်ႉဝႆႉသေ၊ မီးႁူဝ်ၶေႃႈ လၢႆလၢႆႁူဝ် ၶေႃႈ မိူၼ်ၼင်ႇ-  1^th round 1.          Experience is more useful than knowledge 2. Living  in monkhood is better than being a lay-person 3.     Intelligence depend on environment more than genetic factor   4. Religion cause war.    2^nd round   1.  Advantage of Social media   2.    Money rule our lives Final round- Politics is better than religion ၸိူဝ်းၼႆႉ။  လုၵ်ႈႁဵꧣ်း ဢၼ်လႆႈ ၶဝ်ႈၶေႉၶဵင်ႇသင်ႉၵမ်းလိုၼ်းသုတ်းၼၼ်ႉ လႆႈၶေႉၶဵင်ႇႁိမ်ၼမ်ႉၵႂၢမ်းၵၼ်ၵႂႃႇ ၸွမ်းၼင်ႇႁူဝ်ၶေႃႈ Politics is better than religion ၼႆသေ ဢၼ်လႆႈၶဝ်ႈၶေႉၶဵင်ႇ တွၼ်ႈၵမ်းလိုၼ်း သုတ်းၼႆႉ ပဵၼ်လုၵ်ႈႁဵၼ်းသင်ႇတႆး ၸၼ်ႉၸွမ်မႁႃႇၸုလႃး ဢၼ်မီးၸိုဝ်ႈၸုမ်းဝႃႈ Tai Youth ႄလႈ ၸုမ်းလုၵ်ႈႁဵၼ်း ၸၼ်ႉၸွမ် Rajamangala Technology University လႆႈၶေႉၶဵင်ႇႁိမ်ၼမ်ႉၵႂၢမ်းၵၼ်ၵႂႃႇ၊ ၼႂ်းပၢင်ၶေႉၶဵင်ႇႁိမ်ၼမ်ႉၵႂၢမ်းၵၼ်ၼႆႉ လုၵ်ႈႁဵၼ်း ၸၼ်ႉၸွမ် Rajamangala Technology University  လႆႈပေႉၵႂႃႇမၢႆၼိုင်ႈ၊ လုၵ်ႈႁဵၼ်း သင်ႇၶတႆး ၸၼ်ႉၸွမ်မႁႃႇၸုလႃး လႆႈမၢႆသွင်သေ လုၵ်ႈႁဵၼ်းၸၼ်ႉၸွမ်  Bangkok University  သမ်ႉလႆႈၵႂႃႇမၢႆသၢမ် ဝႃႈၼႆ။

ယိူင်းဢၢၼ်း ဢၼ်လႆႈၸတ်းႁဵတ်း ပၢင်ႁိမ်ၼမ်ႉၵႂၢမ်းလႄႈ ပၢင်မွၵ်ႇလၢတ်ႈၶေႃႈၵႂၢမ်းၼႆႉ             ႑. ပုၼ်ႈတႃႇ ယုၵ်ႉမုၼ်းၼမ်ႉၵတ်ႉလုၵ်ႈႁဵၼ်း ၼႂ်းၵၢၼ်ႁဵၼ်းၽႃႇသႃႇဢင်းၵိတ်ႉ မိူၼ်ၼင်ႇ - ၵၢၼ်လၢတ်ႈ၊ ၵၢၼ်ထွမ်ႇ၊ ၵၢၼ်လူ၊ ၵၢၼ်တႅမ်ႈ။ ႒. ပုၼ်ႈတႃႇႁႂ်ႈလုၵ်ႈႁဵၼ်း မီးၵၢၼ်ထူပ်းမိုဝ်း ၵမ်းသိုဝ်ႈ ၼႂ်းၵၢၼ်ၸႂ်ႉတိုဝ်း ၽႃႇသႃႇဢင်းၵိတ်ႉ။ ႓. ပုၼ်ႈတႃႇ ယုၵ်ႉမုၼ်းၼမ်ႉၵတ်ႉလုၵ်ႈႁဵၼ်း ႁႂ်ႈမေႃႁဵတ်းၵၢၼ်ၸွမ်းမူႇၸွမ်းၸုမ်း။ ႔. ပုၼ်ႈတႃႇ ယုၵ်ႉဢဝ်ၽွၼ်းလီ ၼႂ်းၵၢၼ်တူင်ႉၼိုင် ဢၼ်ၼႆႉသေ ဢဝ်မႃးၸႂ်ႉတိုဝ်း ပဵꧣ်ၵၢၼ်ႁဵၼ်းၵၢၼ်သွၼ် ၼႂ်းၸၼ်ႉၸွမ်။ ၸွမ်းၼင်ႇ ယိူင်းဢၢၼ်းသီႇၶေႃႈၼႆႉသေ ၸင်ႇလႆႈၸတ်းႁဵတ်း ပၢင်ႁိမ်ၼမ်ႉၵႂၢမ်းၼႆႉ ဝႃႈၼႆ။

ပၢင်ႁိမ်ၼမ်ႉၵႂၢမ်းလႄႈ ပၢင်မွၵ်ႇလၢတ်ႈၶေႃႈၵႂၢမ်းၼႆႉ ယူႇတီႈႁွင်ႈၵၢၼ်ၽၢႆႇၽႃႇသႃဢင်းၵိတ်ႉ ပၢႆးၾိင်ႈၵူၼ်း ၸၼ်ႉၸွမ်မႁႃႇၸုလႃးသေ လႆႈၸတ်းႁဵတ်းမႃးၼႂ်းၸၼ်ႉၸွမ် ၵူႈပီပီ ဝႃႈၼႆ။

သင်ႇၶတႆး  (01.03.2017)

လုၵ်ႈႁဵၼ်းသင်ႇၶတႆး ဢၼ်ၶဝ်ႈၶေႉၶဵင်ႇ ပၢင်မွၵ်ႇလၢတ်ႈၶေႃႈၵႂၢမ်း ၼႂ်းဝၼ်းထိ 27.02.2017

 ႑. ၸဝ်ႈၺႃႇၼေႃးၽႃႇသ သီႇပေႃႉ ႒. ၸဝ်ႈဢႃႇတိတ်ႉၸ လွၵ်ႉၸွၵ်ႇ  ႓. ၸဝ်ႈသုဝၼ်ႇၼ လၢႆးၶႃႈ  ႔. ၸဝ်ႈမွၼ်းၶိူဝ်း ပၺ်ႇၺႃႇၼၼ်ႇတ မိူင်းၼွင် ႕. ၸဝ်ႈသီႇရိမၼ်ႇတ  တႃႈၶီႈလဵၵ်း ႖. ၸဝ်ႈၼလိင်ႇတ သီႇပေႃႉ ႗. ၸဝ်ႈတိုၼ်းႁၢၼ် တေႇၸဝမ်ႇသ လၢင်းၶိူင်း  ႘. ၸဝ်ႈလၢဝ်သႅင် ဝႃႇရိင်ႇတ မိူင်းၵိုင်

လုၵ်ႈႁဵၼ်းသင်ႇတႆး ဢၼ်လႆႈၶဝ်ႈႁူမ်ႈၶေႉၶဵင်ႇ ပၢင်ႁိမ်ၼမ်ႉၵႂၢမ်း ၼႂ်းဝၼ်းထိ  28.02.2017  ႑. ၸဝ်ႈလႅင်းၸႅင်ႈ ၸၼိင်ႇတ ၵႃလိ ႒. ၸဝ်ႈၼုမ်ႇတႆး ၼၼ်ႇတသႃႇမိ တၢင်ႉယၢၼ်း ႓. ၸဝ်ႈၺႃႇၼေႃးၽႃႇသ သီႇပေႃႉ  ႔. ၸဝ်ႈဢႃႇတိတ်ႉၸ လွၵ်ႉၸွၵ်ႇ ႕. ၸဝ်ႈၼလိင်ႇတ သီႇပေႃႉ  ႖. ၸဝ်ႈမွၼ်းၶိူဝ်း ပၺ်ႇၺႃႇၼၼ်ႇတ မိူင်းၼွင် ႗.  ၸဝ်ႈသီႇရိမၼ်ႇတ  တႃႈၶီႈလဵၵ်း ႘. ၸဝ်ႈဢုတ်ႉတမ ပၢင်လူင်  ႙. ၸဝ်ႈပၼ်ႇတဝ ၵေးသီး  ႑႐.  ၸၢႆးဢွင်ႇၶမ်း မိူင်းၵိုင် ။

လုၵ်ႈႁဵၼ်းသင်ႇၶတႆး ဢၼ်ၶဝ်ႈႁူမ်ႈပၢင်ၶေႉၶဵင်ႇၼမ်ႉၵတ်ႉ မွၵ်ႇလၢတ်ႈၶေႃႈၵႂၢမ်းသမ်ႉ မီးယူႇသၢမ်ၸဝ်ႈ  ႑ႉ ၸဝ်ႈဝိၸိတ်ႉတ မွၵ်ႇမႂ်ႇ ႒ႉ ၸဝ်ႈဝၼ်းလႅင်း ၺႃႇၼိင်ႇတ လႃႈသဵဝ်ႈ ႓.  သေႃးရိင်ႇတ လၢႆးၶႃႈ။

         

          ႁူဝ်ၶေႃႈၵမ်းၼိုင်ႈ

1.       Experience is more useful than knowledge

2.       Living in monkhood is better than being a lay-person

3.       Intelligence depend on environment more than genetic factor

4.       Religion cause war

တွၼ်ႈၵမ်းသွင်

1.       Advantage of Social media

2.       Money rule our lives

ၵမ်းလိုၼ်းသုတ်း

Politics is better than religion