Drop Down MenusCSS Drop Down MenuPure CSS Dropdown Menu

Monday, May 16, 2016

မုၵ်ႉၸုမ်းသင်ၶတႆး လႄႈ ပီႈၼွင်ႉတႆးယၢၼ်မိူင်း ၵူႈမူႇၵူႈၸုမ်း၊ ၼႂ်းမိူင်းၵွၵ်ႇ၊ ၸိုင်ႈထႆးတင်းသဵင်ႈ ၸတ်းႁဵတ်းပၢင်ႁူမ်ၸူမ်းႁပ်ႉတွၼ်ႈ ၽူႈႁပ်ႉလႆႈၸုမ်ႈၶူး ၼႂ်းပီ 2016



မုၵ်ႉၸုမ်းသင်ၶတႆး လႄႈ ပီႈၼွင်ႉတႆးယၢၼ်မိူင်း ၵူႈမူႇၵူႈၸုမ်း၊ ၼႂ်းမိူင်းၵွၵ်ႇ၊ ၸိုင်ႈထႆးတင်းသဵင်ႈ ၸတ်းႁဵတ်းပၢင်ပွႆးႁူမ်ၸူမ်းႁပ်ႉတွၼ်ႈ ၸဝ်ႈဢၼ်ႁပ်ႉလႆႈၸုမ်ႈၶူး B.A M.A  လႄႈ ပေႃႈဢွၵ်ႇလူင် Dr. ၸၢႆးမွၵ်ႇၶမ်း ဢၼ်ႁပ်ႉလႆႈၸုမ်ႈ Ph.D ၽၢႆႇပၢႆးပၺ်ၺႃ ဢၼ်ၸၼ်ႉၸွမ်မႁႃၸုလႃးလူင်းၵွၼ်းၶဝ် မွပ်ဢၢပ်ႈယိုၼ်ႈပၼ် တီႈဝၢင်းၼွႆႉ၊ ဢယုတ်ႉထယ၊ ၸိုင်ႈထႆး။


ဝၼ်းတီႈ 15/5/2016 တင်ႈတႄႇၵၢင်ၼႂ် တေႃႇထိုင်ဝၢႆးဝၼ်း 3 မူင်းၼႆႉ တင်းၸၼ်ႉၸွမ်မႁႃၸုလႃးလူင်း ၵွၼ်း၊ ဝၢင်းၼွႆႉ၊ ဢယုတ်ႉထယ၊ ၸိုင်ႈထႆး လႆႈၸတ်းႁဵတ်းပၢင်ပွႆးႁပ်ႉၸုမ်ႈၶူးယႂ်ႇလူင်သေ ၼႂ်းၼႆႉ ပေႃႈဢွၵ်ႇ လူင် Dr. ၸၢႆးမွၵ်ႇၶမ်း ႁဝ်းၵေႃႈ ႁပ်ႉလႆႈၸုမ်ႈၶူး Ph.D ၽၢႆႇၸတ်းၵၢၼ်ပၢႆးပၺ်ၺႃ လႄႈ ႁူမ်ႈလူၺ်ႈ ၸဝ်ႈသင်ၶတႆး လုၵ်ႈႁဵၼ်းၸၼ်ႉၸွမ်မႁႃၸုလႃးလူင်းၵွၼ်း ႁပ်ႉလႆႈၸုမ်ႈၶူး (20) ၸဝ်ႈ၊ ၼႂ်းၼၼ်ႉ ၸဝ်ႈဢၼ် ႁပ်ႉလႆႈၸုမ်ႈၶူး M.A သၢမ်ၸဝ်ႈ လႄႈ B.A (17) ၸဝ်ႈၼႆယဝ်ႉ။

တီႈၼႂ်းပၢင်ႁပ်ႉၸုမ်ႈၼႆႉ မီးမုၵ်ႉၸုမ်းတႆးလၢႆလၢႆၸုမ်း ၼႂ်းမိူင်းၵွၵ်ႇ လႄႈ ၸုမ်းဝေယႃဝိၸ်ၸ လၢႆလၢႆၸုမ်း မႃးၵႃႈၼႄ ၾိင်ႈငႄႈၾိင်ႈထုင်းတႆး သေဢမ်ႇၵႃး မႃးၸႃၵလဵင်ႉလူပႃး ပီႈၼွင်ႉၼႂ်းမိူင်း/ၼွၵ်ႈမိူင်းသေ ဝၢႆးၼၼ်ႉ မိူဝ်ႈ (16.30 – 19.00) မူင်း၊ လႆႈဢွၼ်ၵၼ်ၸတ်းႁဵတ်းပႃး ပၢင်ႁူမ်ၸူမ်းႁပ်ႉတွၼ်ႈ ပေႃႈဢွၵ်ႇလူင် Dr. ၸၢႆးမွၵ်ႇၶမ်း ၵႂႃတီႈၼႂ်း ႁွင်ႈပၢင်ၵုမ်၊ ၸၼ်ႉၸွမ်မႁႃၸုလႃးလူင်းၵွၼ်း၊ ဝၢင်းၼွႆႉ၊ ဢယုတ်ႉထယ၊ ၸိုင်ႈထႆး ၼၼ်ႉထႅင်ႈၼႆယူႇယဝ်ႉ။

တီႈၼႂ်းပၢင်ႁူမ်ၸူမ်းၸွမ်းပေႃႈဢွၵ်ႇလူင် Dr.ၸၢႆးမွၵ်ႇၶမ်းၼႆႉ မီးၽူႈယႂ်ႇၵူၼ်းလူင်ၶဝ် ၸဵမ်ၼႂ်းမိူင်း/ၼွၵ်ႈမိူင်း ၶိုၼ်ႈႁွတ်ႈပၼ်ႁႅင်းၼမ်လၢႆသေဢမ်ႇၵႃး မီးၽူႈယႂ်ႇၵူၼ်းလူင်ၶဝ်လၢႆလၢႆၸဝ်ႈ ၶိုၼ်ႈမွၵ်ႇလၢတ်ႈၶေႃႈၵႂၢမ်း ႁူမ်ၸူမ်းပႃးထႅင်ႈ ၼႆယူႇယဝ်ႉ။ ၼႂ်းၼၼ်ႉ တေမီး Most Ven. Prof. Dr. Brahmapundit  ႁူဝ်ၼႃႈလူင် ၸၼ်ႉၸွမ်မႁႃ ၸုလႃးလူင်းၵွၼ်း၊ ၸဝ်ႈၶူးလူင် Dr. ၶမ်းမၢႆမ်မသႃမိ (Oxford) ၽူႈၵေႃႇတၢင်ႈ ၸၼ်ႉ ၸွမ်ၿုတ်ႉထ၊ မိူင်းတႆး၊ Phra Sophonvachirabhon, Vice Rector for Foreign Affairs ၸဝ်ႈ သြႃႇမႁႃၺႃၼိၼ်တ ၸဝ်ႈ ၵွၼ်းဝတ်ႉ၊ ဝတ်ႉမႂ်ႇတႆး၊ ၵုင်းထဵပ်ႈ၊ ဢူးဝိၼ်းမွင်ႇ ႁူဝ်ၼႃႈ လုမ်းၽွင်းတၢင်မၢၼ်ႈ၊ မိူင်းၵွၵ်ႇ လႄႈ ႁူမ်ႈလူၺ်ႈ ပေႃႈမႄႈဢွၵ်ႇတၵ်ႉၵႃႇသတ်ႉထႃး၊ ႁူမ်ႈပႃးၵေႃသိုဝ်ႇၶၢဝ်ႇ ၼႂ်းမိူင်း/ၼွၵ်ႈမိူင်း ၶဝ်ႈႁူမ်ႈ တၢင်းမူတ်းမီး (426) ၵေႃႉသေ ဝၢႆးၽူႈယႂ်ႇၵူၼ်းလူင်ၶဝ် မွၵ်ႇလၢတ်ႈၶေႃႈၵႂၢမ်းႁူမ်ၸူမ်းယဝ်ႉၼၼ်ႉ ၽူႈၶဝ်ႈ ႁူမ်ႈပၢင်ႁူမ်ၸူမ်း လႄႈ ၽူႈ ယႂ်ႇၵူၼ်းလူင်ၶဝ် ထၢႆႇႁၢင်ႈတီႈမၢႆတွင်းၵိုၵ်းၵၼ်ယဝ်ႉ ႁုပ်ႈသိမ်းပၢင်ႁူမ်ၸူမ်းၵႂႃႇ မိူဝ်ႈၶၢဝ်း ( 19.30) မူင်းၼၼ်ႉလႆႈလီငၢမ်းၼႆ လႆႈႁူႉၸွမ်းၶၢဝ်ႇငၢဝ်း မီးၼင်ႇၼႆယဝ်ႉ။





No comments:

Post a Comment