Drop Down MenusCSS Drop Down MenuPure CSS Dropdown Menu

Friday, October 23, 2015

ပၢင်ႁပ်ႉတွၼ်ႈလုၵ်ႈႁဵၼ်းမႂ်ႇ သင်ႇၶတႆး လုၵ်ႈႁဵၼ်းၸၼ်ႉၸွမ်

မိူဝ်ႈဝၼ်းထီႉ 23/8/2015 သင်ႇၶတႆးလုၵ်ႈႁဵၼ်းၸၼ်ႉၸွမ်မိူင်းၵွၵ်ႇ လႆႈၸတ်းႁဵတ်းပၢင်ပွႆးႁပ်ႉတွၼ်ႈ လုၵ်ႈႁဵၼ်းသင်ႇၶၸဝ်ႈဢၼ်မႃးမႂ်ႇ ဢၼ်တေမႃးၶိုၼ်ႈႁဵၼ်း တီႈၼႂ်းၸၼ်ၸွမ်လႆၢတီႈၼႂ်းမိူင်းထႆးယူႇ ယဝ်ႉ။ 


ပွႆးဢၼ်ၼႆႉလႆႈၸတ်းႁဵတ်းမႃႈၶၢဝ်းတၢင်းသိပ်းဢဵတ်းပီသေ လုၵ်ႈႁဵၼ်းသင်ႇၶတႆး လႆႈဢွၼ်ႁူဝ် ပေႃႈ ဢွၵ်ႇမႄႈဢွၵ်ႇၼႂ်းမိူင်းၵွၵ်ႇသေလႆႈၸတ်းႁဵတ်းၵူႈပီပီယဝ်ႉ ပီၼႆႉၵေႃႈဢမ်ႇလုတ်ႈဢမ်ႇႁၢမ်း ႁဵတ်းလႆႈ ယဝ်ႉၵႂႃႇႁၢင်ႈလီၽၢင်ငၢမ်းၶႅမ်ႉတႄႉတႄႉၶႃႈယဝ်ႉ။
သင်ႇၶလုၵ်ႈႁဵၼ်းမႂ်ႇပီၼႆႉ ၸၼ်ႉPh.D မီး2 ၸဝ်ႈ၊ ၸၼ်ႉ M.A မီး5ၸဝ်ႈ၊ ၸၼ်ႉB.A.မီးယူႇ 30ၸဝ်ႈ ႁူမ်ႈၵၼ်မီးယူႇ 37 ၸဝ်ႈတီႈၶႃႈယဝ်ႉ။

လႆႈဝႃႈသင်ႇၶၸဝ်ႈဢၼ်လုၵ်ႉတီႈမိူင်းႁဝ်းမႃး မႃးၶိုၼ်ႈႁဵၼ်းယူႇၼႂ်းၸၼ်ႉၸွမ်မိူင်းထႆးၼႆႉ ၼႆၵေႃႈလႆႈဝႃႈၼမ်မႃးတႄႉတႄႉ ၵူၺ်းၵႃႈၼမ်မႃးၵႃႈႁိုဝ်ၵေႃႈ ဢၼ်ပဵၼ်တၵႃႇသတ်ႉထႃး ၸိူဝ်းဢၼ်ယူႇၼႂ်း မိူင်းၵွၵ်ႇၵေႃႈ မီးၸေႇတၼႃႇသတ်ႉထႃႇယႂ်ႇႁႅင်းလႄႈ ပၢင်ပွႆးႁပ်ႉတွၼ်ႈၼွင်ႉမႂ်ႇႁဝ်းၶႃႈလႄႈသင် ပၢင်ပွႆးႁပ်ႉၸုမ်ႈၶူး တီႈၸၼ်ႉၸွမ်မႁႃႇၸူႇလႃး ၸိူဝ်းၼၼ်ႉလႄႈသင် ဢွၼ်ၵၼ်ၵႂႃႇၸၵ လဵင်ႉလူ ႁဵတ်းၵၢၼ်လီၵူႉသူဝ်ႇ ၸွမ်းလူၺ်ႈလွင်ႈပွင်ႇၸႂ်မႃႈၼမ်တႄႉတႄႉ။
ၼႂ်းပၢင်ႁပ်ႉတွၼ်ႈၼွင်ႉမႂ်ႇပီၼႆႉ ဢၼ်မီးၵၢၼ်သႂ်ႇၽွၼ်ႉလိၵ်ႈတႆးၼႂ်းၽူင်း ၼႂ်းၶွမ်းၸိူဝ်းၼႆႉ သေ သမ်ႉတမ်းတိူၵ်ႈငိုၼ်းလူႇၶၢမ်ႇ ဢဝ်ၸေႇတၼႃႇဝႃႈ ငိုၼ်းဢၼ်လႆႈမႃးၼၼ်ႉသမ်ႉ ပဵၼ်တႃႇမိူဝ်ႈၸွႆႈ ၵူၼ်းထူပ်းၽေးၼမ်ႉထူမ်ႈတီႈတၢင်းပႃႇလႅဝ်းၵဵင်းလၢပ်ႈဝၼ်းထီႉ 27 ၼႆႉၼႆၶႃႈဢေႃႈ

No comments:

Post a Comment