Drop Down MenusCSS Drop Down MenuPure CSS Dropdown Menu

Monday, March 16, 2015

ပၢင်ၽိုၵ်းၽွၼ်ႉ ၼမ်ႉၵတ်ႉမေႃသွၼ်

မိူဝ်ႈဝၼ်းထီႉ13.3.2015တေႃႇထိုင်ဝၼ်းထီႉ 15.3.2015 ၶၢဝ်းတၢင်းသၢမ်ဝၼ်း ၼၼ်ႉ လုၵ်ႈႁဵၼ်းသင်ႇၶတႆး မိူင်းၵွၵ်ႇ ဢွၼ်ႁူဝ်ၼမ်းၼႃႈသေ လႆႈၸတ်းႁဵတ်းပၢင် ၽိုၵ်းၼမ်ႉၵတ်ႉ မေႃသွၼ် တီႈဝၢၼ်ႈၵႅတ်ႇၵဝ်ႇ၊ ဢိူင်ႇမိူင်းၵူဝ်း၊ တူင်ႇဝဵင်းတႃႈၶီႈလဵၵ်း။
ၶူးပူင်သွၼ်လႄႈ မေႃသွၼ်ဢၼ်မႃးၶိုၼ်ႈလဵပ်ႈႁဵၼ်းဢဝ်

လွင်ႈတၢင်းတႃႇတေပဵၼ်မႃးပၢင်ၽိုၵ်းၽွၼ်ႉၼၼ်ႉ ဢိင်ၼိူဝ်ၸဝ်ႈၶူးႁဝ်းၶဝ်လႆၢတူၼ် လႆႈၸဝ်ႈလႄႈ တင်းၽူႈ ပွင်ၵၢၼ်ၽႆၢႇလိၵ်ႈလႆၢး ၼႂ်ဢိူင်ႇမိူင်းၵူဝ်းၽွမ်ႉလႆႈၸႂ်ၵၼ်သေယဝ်ႉ ၸင်ႇလႆႈပိုတ်ႇပဵၼ်ပၢင်ၽိုၵ်းၽွၼ်ႉမႃး ယဝ်ႉ။

မိူဝ်ႈပီပူၼ်ႉမႃး(2014)ၼၼ်ႉ ဢၼ်ပဵၼ်လုၵ်ႈႁဵၼ်းသင်ႇၶၸဝ်ႈလႆၢတူၼ်လႆၢပႃး လႆႈဢွၼ်ႁူဝ်ၼမ်းၼႃႈသေ လႆႈပိုတ်ႇပၢင်သွၼ် ၾိင်ႈငႄႈပုတ်ႉထလႄႈလိၵ်ႈလႆၢးတႆး ပဵၼ်ပွၵ်ႈၵမ်းၼိုင်ႈယဝ်ႉတူဝ်ႈလီငၢမ်းယဝ်ႉလႄႈ ပီၼႆႉ (2015)ၼႆၵေႃႈတေပိုတ်ႇပၢင်သွၼ်ၵႂႃႇထႅင်ႈၼႆၶႃႈလႄႈ ၼင်ႇႁိုဝ် မေႃသွၼ်ႁဝ်းၶဝ်ပေႃးတေမီးလွင်ႈတိူဝ်း တွၼးမႃးထႅင်ႈလႄႈ ၸင်ႇလႆႈၸတ်းႁဵတ်းပၢင်ၽိုၵ်းၽွၼ်ႉမေႃသွၼ်ၼႆႉယဝ်ႉ။
မေႃသွၼ်ၼၢင်းၸၢမ်ႁွမ်လႄႈ ၼၢင်းၶႆႇသႅင်သွၼ်ပၼ်လႆၢးမတ်ႉၶဵၼ်းႁူဝ်တႆး
ၸဝ်ႈၶူးဝီရိယ သီၼူၼ်း တႃႈၶီႈလဵၵ်း၊ ၸဝ်ႈၶူး ဢိင်ႇတႃႇၸၵ်ႉၵ လိူၼ်သႅင် ၵဵင်းတုင် သွင်တူၼ်သွင်ပႃးဢွၼ်ႁူဝ်ၼမ်းၼႃႈ သေ ၸဝ်ႈၶူးၵေႃးသၼ်ႇလ ၵျေႃႇလႅင်း လွႆလႅမ်၊ ၸဝ်ႈၶူးၶေႇမိၼ်ႇတ ၶမ်းလႅင်း ၵႃလိ၊ ၸဝ်ႈၶူး ၸၼိင်ႇတ လႅင်းၸႅင်ႈ ၵႃလိ၊ ၸဝ်ႈၶူးပၼ်ႇတိတ မုၼ်ႁိူင်း ၼမ်ႉၸၢင်၊ၸဝ်ႈၶူး ၸေႃးတိၵ ၸွမ်ၶိူဝ်း ၵျွၵ်ႉမႄး၊ ၸဵတ်းၸဝ်ႈ လႄႈတင်း မေႃသွၼ်တၢင်းၵႃႈ ၼၢင်းၶႆႇသႅင် လႆၢးၶႃႈ၊ ၼၢင်းၸၢမ်ႁွမ် လႆၢးၶႃႈ လႆႈပဵၼ်မေႃသွၼ်တၢင်း ၵႃႈ။ မေႃသွၼ်ဢၼ်မႃးၶိုၼ်ႈလဵပ်ႈႁဵၼ်း မီးယူႇ52 ၵေႃႉယဝ်ႉ။
ၵုမ်ၵၼ် တႃႇႁဵတ်းပၢင်ၽိုၵ်းၽွၼ်ႉ ဝၼ်းထိ13.3.2015.ၵၢင်ၼႂ်

No comments:

Post a Comment