Drop Down MenusCSS Drop Down MenuPure CSS Dropdown Menu

Monday, January 21, 2013

မုတိတႃသၵ်ၵႃရၸဝ်ႈသြႃႇတူၼ်ၶူးလူင်ပၼ်တိတ ၸေႈဝဵင်းၵဵင်းႁၢႆး


       
      မိူဝ်ႈၼႆႉဝၼ်းထိ (20/01/2013) ၸိူဝ်းပဵၼ် မုၵ်ႉၸုမ်းလုၵ်ႈႁဵၼ်းသင်ၶတႆးလႄႈတၵႃႇသတ်ထႃး မိူင်းၵွၵ်ႇ လႆႈဢွၼ်ၵၼ်ၵႂႃႇၵၼ်ႇတေႃး ႁူမ်ၸူမ်းမုတိတႃသၵ်ၵႃရ တမ်ႈတီႈၸဝ်ႈသြႃႇတူၼ်ၶူးလူင်ပၼ်တိတ ၵဵင်းႁၢႆး ဢၼ်မၼ်းၸဝ်ႈလႆႈႁပ်ႉၸုမ်ႈၽရၶူး(พัดยศ) တီႈၶုၼ်ႁေႃၶမ်း လႆႈမွပ်ႈပၼ်မၼ်းၸဝ်ႈ

တီႈဝဵင်းၼၶွၼ်းသဝၼ်(นครสวรรณ์) မိူဝ်ႈဝၼ်းထိ (16.1.2013) ၼၼ်ႉၼႆတီႈၶႃႈယဝ်ႉ။ 
ဢၼ်လႆႈဢွၼ်ၵၼ် ၵႂႃႇႁူမ်ၸူမ်းၵၼ်တေႃးမၼ်းၸဝ်ႈၼႆႉၵေႃႈ ယွၼ်ႉပိူဝ်ႈဝႃႈတႃႇတေ လႆႈၸုမ်ႈၼိုင်ႈဢၼ် ဢၼ်ဝႃႈၼၼ်ႉၵေႃႈ မၼ်းတိုၼ်းတေလႆႈပႃး ၵမ်ႇ၊ ၺၢၼ်ႇ၊ ဝိရိယ၊ ပႃရမီတၢင်းၶတ်းၸႂ်ၵူႈၸိူဝ်ႉၵူႈပိူင်သေလႄႈ ၸင်ႇလႆႈပဵၼ်မႃးၼၼ်ႉၶႃႈယဝ်ႉ။ တီႈၼႆႈႁဝ်းတေလႆႈထုၵ်ႇလီပွင်ၸႂ်ဝႃႈ ပေႃးႁဝ်းမူးၸႃးပိူၼ်ႈပေႃးႁဝ်းယွင်ႈၵုၼ်ႇပိူၼ်ႈၵွၼ်ႇ ပိူၼ်ႈၸင်ႇမႃးၸူးႁဝ်း ၵုင်ႇႁဝ်းၸင်ႇၶိုၼ်ႈၼႆယဝ်ႉ။ ထႅင်ႈတီႈၼိုင်ႈၵေႃႈ ၵေႃႉဢၼ်လႆႈႁဵၼ်းသွၼ်ဢဝ်မႃးၼၼ်ႉ တေလႆႈဢဝ်ၶၢဝ်းယၢမ်းပဵၼ်ႁူဝ်ပီ ႁူဝ်သိပ်းပီမၼ်းၸင်ႇတေပဵၼ်မႃး ၵွမ်ႉႁဝ်းၵူၺ်းလူဝ်ႇပႃးၸႂ်သတ်ႉထႃၸေႇတၼႃႇ
ၵႂႃႇႁူမ်ၸူမ်းမုထိတႃႇၸွမ်းမွၵ်ႈ ႒-႓ ဝၼ်းဢွၼ်ႇၵူၺ်းတႄႉထုၵ်ႇလီပဵၼ်ယူႇယဝ်ႉ။ ယွၼ်ႉပိူဝ်ႈဝႃႈၵၢၼ်ၸိူဝ်းၼႆႉ ပဵၼ်ၵၢၼ်တႆးၵၢၼ်ပီႈၼွင်ႉတႆးႁဝ်း ထုၵ်ႇလီဢွၼ်ၵၼ်ပွင်ႇၸႂ်ၸိူဝ်ႉၶိူဝ်းယူႇၼႆၶႃႈဢေႃႈ။

ႁႂ်ႈၶိုၼ်ႈယႂ်ႇမႂ်ႇသုင်ၵၼ်ၵူႈၸဝ်ႈၵူႈၵေႃႉသေ
ၸဝ်ႈၼၼ်တေႃးၸေႇယ
21.1.2013

No comments:

Post a Comment