Drop Down MenusCSS Drop Down MenuPure CSS Dropdown Menu

Wednesday, August 1, 2012

ပၢင်ၵုမ်တႃႇၵေႃႇသၢင်ႈ ၸၼ်ႉၸွမ်ရႃမၺရတ်ထပုတ်ႉထ သင်ၶမွၼ်း


တႃႇတေၵေႃႇသၢင်ႈ ၸၼ်ႉၸွမ်ရႃမၺရတ်ထပုတ်ထမွၼ်းၼၼ်ႉ လႆႈႁဵတ်းပၢင်ၵုမ် ၵၼ်တီးဝတ်ႉမွၼ်း သႃႇသၼႃႇ 2500 ဝဵင်းမေႃႇလမႅင်ႇ မိူဝ်ႈလိူၼ်ၵျူလၢႆႇ 30 ဝၼ်းၼၼ်ႉယဝ်ႉ။

ၼႂ်းပၢင်ၵုမ်ၼၼ်ႉ ၸဝ်ႈသြႃႇလူင်ၸၢဝ်းမွၼ်း၊ ၸဝ်ႈသင်ႇၶၸုမ်းရႃမၺၼိၵႃယ ပရိယတ်တိမွၼ်း လႄႈ တၵ်ၵႃၸဝ်ႈတႃႇၼ ပီႈၼွင်ႉမွၼ်းတၢင်းလၢႆ လႆႈၶိုၼ်ႈႁွတ်ႈသေယဝ်ႉ ၸဝ်ႈသြႃႇသီလၸႃႇရ  ၸဝ်ႈဢၼ်ၵေႃႉဢွၼ်ၵေႃႇတင်ႈၸၼ်ႉၸွမ်ၼၼ်ႉ  လႆႈသပ်းလႅင်းၼေ လွင်ႈတၢင်းလႆႈ ၵေႃႇသၢင်ႈဝႆႉၸိူင်ႉႁိုဝ် တေႁဵတ်းၵႂႃႇထႅင်ႈၸိူင်ႉႁိုဝ်ၼႆယူႇယဝ်ႉ။ 

မၼ်းၸဝ်ႈလႆႈတၢင်ႇလဝ်ႈထိုင်ဝႃႈ- ၸၼ်ႉၸွမ်ပေႃးတေယဝ်ႉၵႂႃႇလႆႈၼၼ်ႉ  ၶႂ်ႈသႂ်ႇပၼ်ၼႂ်းမိုဝ်း ၸဝ်ႈသြႃႇလူင်ၶဝ်ၵႂႃႇ ၼႆသေ ၵူၺ်းၼႃႇ ၸဝ်ႈသြႃႇလူင်ၶဝ် ဝႃႈၵၢၼ်သွၼ် ၵၢၼ်တႅမ်ႈ ၼမ်ၼႃႇ လႄႈ ဢမ်ႇၸၢင်ႈႁပ်ႉႁဵတ်း ၼႆယဝ်ႉ။ ၵၢၼ်ၵေႃႇသၢင်ႈၸၼ်ႉၸွမ်ၼႆႉ
တေလႆႈဝႃႈ ယဝ်ႉၵႂႃႇႁူဝ်ပၢၵ်ႇ45 ယဝ်ႉ။ ဢၼ်တၵ်ၵႃႇသထႃးၼႂ်းမိူင်း ၼွၵ်ႇမိူင်းလႆႈလူႇတၢၼ်းမႃးၼၼ်ႉ မီးၵႂႃႇငိုၼ်းသႅၼ်မၼ်း(3100)ၼႆယဝ်ႉ။ တႃႇတေၸႂ်ႉတိုဝ်းတေႃႇပေႃးယဝ်ႉၼၼ်ႉ  တေလူဝ်ႇငိုၼ်းမွၵ်ႈသႅၼ်မၼ်း(40000) ၼႆၸဝ်ႈသြႃႇ ထႃတုမႃႇလႃႇ လႆႈမွၵ်ႇလၢတ်ႈၼင်ႇၼႆယဝ်ႉ။ ဢၼ်လႆႈတေႇၵေႃႇ
သၢင်ႈမႃးတႄႉ 2012 လိူၼ်ၸၼ်ၼဝႃႇရီႇ 15 ဝၼ်းသေ ဝၼ်းတေယဝ်ႉမၼ်းတႄႉၵေႃႈ ဢမ်ႇပႆႇၸၢင်ႈလၢတ်းၼႆယဝ်ႉ။ ၸၼ်ႉၸွမ်မွၼ်းၼႆႉ တင်ႈယူႇတီႈ ပွၵ်ႉမႅင်ႇသႃႇယႃႇ၊ 
သဵၼ်ႈတၢင်းသိၼ်ႇၸေႃးပု၊ တၢင်းၵႂၢင်ႈမီး (10)ဢေႇၶ သေ ၵေႃႇသၢင်ႈၶိုတ်းၸၼ်ႉ မိူၼ်ၸၼ်ႉၸွမ် ၵူႈမိူင်းယူႇၼႆ လႆႈႁူႉၶၢဝ်ႇငၢဝ်းမီးၼင်ႇၼႆယဝ်ႉ။

ၸဝ်ႈၸၢႆးလူင်ၶမ်း
ဢၢင်ႈဢိင်- မိၼ်းတေႃႇလဝီႇ၊

No comments:

Post a Comment