ၸဝ်ႈၶူးၵိတ်ႉတိသႃႇရလႄႈ ၸဝ်ႈၶူးသုမၼသႅင်လၢဝ် ၶိုၼ်ႈႁွတ်ႈပၢင်ၵုမ် seminar

မိူဝ်ႈဝၼ်းထိ 16. 01. 2012 ၶၼသင်ၶူမ်း (Faculty of Social Sciences) ၸၼ်ႉၸွမ်မႁႃၸူးလႃးလူင်းၵွၼ်း လႆႈၸတ်းႁဵတ်းပၢင်ႁူပ်ႉထူပ်း(seminar)ဢၼ်မီးႁူဝ်ၶေႃႈဝႃႈ ꧦၵၢၼ်သွၼ်ၵၢၼ်ႁဵၼ်းၼႂ်းသႃသၼႃႇၿုၻ်ထၸဝ်ႈꧦ၊ တီႈဝတ်ႉသႃၵႅဝ်ႈ၊ ၸႄႈတွၼ်ႈသႃၵႅဝ်ႈ၊ ၸိုင်ႈထႆး သေ ဢၼ်ပဵၼ်ၸဝ်ႈၶူးၵိတ်တိသႃရ (ထမ်မႃၸရိယ၊ M.A) လႄႈ ၸဝ်ႈၶူးသႅင်လၢဝ် သုမၼ ႁဝ်းၶဝ်သွင်တူၼ်သွင်ပႃးလႆႈပဵၼ်ၽူႈတၢင်တူဝ်သင်ၶမိူင်းမၢၼ်ႈသေ လႆႈၵႂႃႇၶိုၼ်ႈႁွတ်ႈပၢင်ၵုမ် ဢမ်ႇၼၼ်ႉ ပၢင်ႁူပ်ႉထူပ်း(seminar)ၶႃႈဢေႃႈ။

ၸဝ်ႈၶူးၵိတ်တိသႃရ (ထမ်မႃၸရိယ၊ M.A) ႁဝ်းၶႃႈလႆႈဢဝ်လွင်ႈ ၵၢၼ်သွၼ်ၵၢၼ်ႁဵၼ်းလိၵ်ႈ ထမ်းၸဝ်ႈ ၼႂ်းမိူင်းမၢၼ်ႈ မိူင်းတႆး ၵႂႃႇမွၵ်ႇလၢတ်ႈသပ်းလႅင်းၼေ ၼႂ်းပၢင်ႁူပ်ႉထူပ်းလႅၵ်ႈ လၢႆႈတၢင်းႁူႉ (seminar) ၵႂႃႇၶႃႈဢေႃႈ။ 

ၽူႈၶိုၼ်ႈႁွတ်ႈပၢင်ႁူပ်ႉထူပ်း (seminar)ၶူးလႄႈလုၵ်ႈႁဵၼ်းၸၼ်ႉၸွမ်မႁႃၸူးလႃး  တေမီးယူႇမွၵ်ႈ (80)တူၼ်ပၢႆၶႃႈဢေႃႈ။ ၼႂ်းၼၼ်ႉ တေမီးၶူးလႄႈလုၵ်ႈႁဵၼ်းၸၼ်ႉ PhD, M.A လႄႈ B.A တီႈလုၵ်ႉမႃး မိူင်းၵမ်ပူးၶျူး၊ မိူင်းဝႅတ်ႉၼၢမ်း၊ မိူင်းလၢဝ်း၊ မိူင်ထႆး၊ မိူင်းမၢၼ်ႈ ၸၵႂႃႇဢေႃႈ။