Drop Down MenusCSS Drop Down MenuPure CSS Dropdown Menu

Saturday, November 12, 2011

ပၢင်လွတ်ႈႁေႃးပရိတ်ႉၸဝ်ႈသဵင်ဢမ်ႇထၢတ်ႇ

မိူဝ်ႈဝၼ်းထိ(႑႑ႉ႑႑ႉ႒႐႑႑)ဝၼ်းသုၵ်ႇၼႆႉယူႇတီႈၸုမ်းၼၢင်းယိင်းမိူင်းထႆးဢၼ်ၸဝ်ႈၼၢင်းႁေႃၶမ်း
လႆႈဢွၼ်ႁူဝ်ၼမ်းၼႃႈ တေႇတင်ႈဝႆႉ(สภาพสตรี แห่งชาติ ในพระบรมราชินูปถัมภ์)
(THE NATAION COUNCLE OF WEMAN OF THAILAND Under The Royal Patronage of Her MajestyThe Queen )  ဢၼ်လႆႈမီးယူႇၼိူဝ်သဵၼ်ႈတၢင်း လူင်လၢၼ်၊ မိူင်းၵွၵ်ႇ
ၶဝ်လႆႈ ၸတ်းႁဵတ်းပၢင်လွတ်ႈႁေႃး ဝၢၼ်းပရိတ်ၸဝ်ႈသဵင်ဢမ်ႇထၢတ်ႇ ႒႔ ၸူဝ်ႈမွင်း တွၼ်ႈတႃႇႁႄႉၵင်ႈ ၽေးၼမ်ႉထူမ်ႈ မိူင်းထႆး  ။
ၸွမ်းလူၺ်ႈ ၶေႃႈသင်ႇၸဝ်ႈတူၼ်ၶူးလူင် တွၵ်ႉတိူဝ်ႇ ၶမ်းမၢႆ ထမ်မသႃမိ ႁဝ်းသေမုၵ်ႉၸုမ်းၼၢင်း ယိင်း မိူင်းထႆး လႆႈၸတ်းႁဵတ်းပၢင်လွတ်ႈႁေႃးဝၢၼ်းပရိတ်ႈ တွၼ်ႈတႃႇ ပဵၼ်လွင်ႈၵႅတ်ႇၶႄ ၽေး ၼမ်ႉထူမ်ႈ ပီႈၼွင်ႉၵူၼ်းမိူင်းထႆး ဝႃႈၼႆသေလႄႈ ဢၼ်ပဵၼ်ၸုမ်းၼၢင်းယိင်း မိူင်းထႆးၶဝ်ၵေႃႈ လႆႈၽိတ်ႈပၢင်း သင်ၶၸဝ်ႈၸိူဝ်းဝတ်ႉၸိုဝ်ႈသဵင်ယႂ်ႇၼႂ်းမိူင်းထႆး   မိူၼ်ၼင်ႇ ဝတ်ႉဢႃးရုၼ်း၊ ဝတ်ႉ ယၢၼ်းၼႃးဝႃး၊ ဝတ်ႉတႆမိတ်ႉ ၸၵႂႃႇလႆႈမႃးလွတ်ႈႁေႃး ရတၼႃသုတ်ႈ ပရိတ်ႈၸဝ်ႈ သဵင်ဢမ်ႇထၢတ်ႇ (႒႔) ၸူဝ်ႈမွင်း တီႈသူၼ်ၵၢင် ၸုမ်းၼၢင်းယိင်းထႆး ဢၼ်မီးယူႇၼိူဝ်သဵၼ်ႈတၢင်းလၢၼ်လူင်၊တေႃႇ ၼႃႈၵၼ်တင်း ႁူင်းယႃ မိတ်ႉၶျၼ်ႉ၊ ဝဵင်းလူင် မိူင်းၵွၵ်ႇ  ၶႃႈဢေႃႈ။

ဢၼ်ပဵၼ်ၸုမ်းသင်ၶ လုၵ်ႈႁဵၼ်းတႆးမိူင်းၵွၵ်ႇ ၸိုင်ႈထႆး ႕႐ တူၼ်ၼႆၵေႃႈ လႆႈႁပ်ႉၶေႃႈၽိတ်ႈပၢင်း တီႈၸုမ်းၼၢင်း ယိင်းထႆး  (สภาพสตรี แห่งชาติ ในพระบรมราชินูปถัมภ์) (THE NATAION COUNCLE OF WEMAN OF THAILAND Under The Royal Patronage of Her MajestyThe Queen) ၶဝ်သေ ၵႂႃႇမဵတ်ႉတႃႇ လွတ်ႈႁေႃး ဝၢၼ်းပရိတ်ႈ တႃႇၵႅတ်ႇၶႄ ၽေးၼမ်ႉ ထူမ်ႈ ပီႈၼွင်ႉၵူၼ်းမိူင်းထႆး တႃႇၶိုၼ်းၼိုင်ႈ လုမ်းလုမ်းယူႇၶႃႈဢေႃႈ။

No comments:

Post a Comment